» لازم نعاني؟؟!!

[أحمد بارود]

لازم نعاني قبل ما نصير زيّ غيرنا من البشر
لازم نخون لغة الحجر!!!
ونوزِّع الموت في صفوف الناس سوا
اللي انهزم واللي انتصر!!
من غير تروّي أو نظر!!
طب ما احنا شايفين العدو نفس الطريق
ندفن ولادنا مكرهين والليل ظلام ولا حتى شمعه
يفرض على أم الشهيد تضحك!!
وقلبها مِ الأسى يشرب مرار الحزن دمعه بعد دمعه
...........................
ياما حاجات عايزه نقط فوق الحروف
وياما ربيع العمر عند كتير من الناس الغلابه
رحنا حوّلناه خريف
وياما قوي بالحق بينَّا قال كلام عارض هوانا
رحنا عاملين منُّه شبهه
أصله كذا وفصلُه كذا
ومضغنا سيرتُه
زيّ ما بنمضغ لبانَه
ولاَّ بياناتنا الغبيه
هذي شؤون البطن هايفه ما تستاهلش
واللي بياكلُه الخصم يابني مايتَّكِلش!!!
هذا نموذج للبيانات العظيمه!!
تقراها عَ الجدران.. تِكِشّ
.....................
ولازم نعَوِّد نفسنا نصوم عن كتير من الحاجات
علشان أراضي الخضروات والبيارات
صارت في عِزّ الإنتفاضه
تنباع ذهب
وتصير عماير
واتومبيلات!!
...........................
يمكن عينيك اليوم تشوف لها زرعه خضره
ويمكن إذا زَكِّمت حتى تلاقي زهره
علشان كده شَبَّع عينيك
راح ييجي يوم بقى وتظَلِّم
واملا مناخرك بالعبير
راح ييجي يوم بقى وتزَكِّم
.........................
ولاَّ الدينار
ولاَّ الدولار
هِيَّ الفلوس اقوى من الموت اللي داير.. دار بدار!!!!
ولاَّ زرعتوها عماير ألف شُقَّه
تقدر تِطَلَّع خضار؟
طب ليش نحاصر نفسنا بالجوع وعارفين من زمان
إن العدو شادِد حصار!!
مين فيكو شاف جسد براسين؟!
مين شاف وجوه باربَع عينين؟!
لازم نخون لغة الوطن؟؟؟؟؟
ونصير ياناس بألف راس؟؟؟؟؟؟؟؟؟؟؟!!!!!!!!!!